Platform par rail ka intezar

Sajid platform par khada tha ke gaurd ko dekh kar usne pocha.

Karachi se ane wali train kab ayegi?

Guard ne jawab diya: dus bajey.

guard jane laga tou Sajid ne kaha G zara suniye jo lahore se ane wali hai woh kitne baje ayegi?

Guard ne jawab diya: 11 bajey.

guard jane laga tou sajid ne phir rok kar pocha aur queeta se ane wali train kab ayegi?

Guard ne tang aa kar gussay se pocha: tumhein jana kahan hai?

Sajid ne Masoomiyat se jawab diya: G mujhe railway line paar karni hai.

Abbu laye motorcar

Lihaza ab aapki kidmat main ek choti si bachchi ki kahani unki apni zubani biyaan ki jaa rahi hai. tou mulaiza farmaye.

Aik choti si larki ne umer main pehli bar motorcar dekhi tou apne abbu se mukhatib ho kar boli:

Abba jan dekhein tou ghodey pata nahi kidher bhaag gaye hain, bichari motorcar unki talash main mari mari phir rahi hai.

Mera ghoda bemisal

Adeel ghoda(horse) kharidne ke liye bazar gaya,
ghoday ke malik ne ghoday ki khoobiyan ginwatey huye kaha.

yeh ghoda kitna sehat mand hai lekin teen baras ka hai aur bagair rukhey 12 miles daudta hai.

Adeel: Bhai mujhe maaf karna mujhe yeh ghoda nahi chahiye kyunki mere ghar se mere khaiton ka fasla 10 miles hai,
lihaza mujhe 2 miles rozana wapas ana parega.

Breaking News

Akhbaar farosh akhbaar baichte huye: 

Taza khabar aik alam-naak haadsa, hairat angeez khabar sirf aik rupaiye main parheye.

Umer(gabra kar): kya ho gaya ?

Akhbaar farosh: kal chaar pahiye aik gaadhi(car) ke neche aa gaye.

Nokar baychara

Aik wakeel saab ki adat thi ke apne mulazim ko lecture bohat detey they aur than'kuwa kam dete they.

Aik martaba wakeel saab ke aik dost pass baithe they aur mulazim bhag bhag kar kaam kar raha tha.

Dost ne is ki mutahidi se mutasir ho kar pocha ke tumhari than'kuwa kitni hai?

Mulazim ne jawab diya.

80 rupaiye na'qad aur 120 rupaiye kanooni mashwaro'n ki shakal main.


hoho.....

Janwar se badi Mohabbat hai

Umer Chir'ya ghar(Zoo) main aik pinjarey key saamne kadhay ho kar bole:

Assalam O'Alaikum, Haa'thi saab.

Pass hi aik dost khara tha woh jhut se bola:

Umer yeh haa'thi nahi bhaid'ya hai.

Umer ne gar'dan hila kar kaha:

Yaar mujhe bhi pata hai yeh reech hai main tou yunhi is ka dil behla raha tha.


wah.wah...

Shagird ho to aisa

Ustad : Jo dus paise maine tehzaab main dhaaley hain kya woh dhob jayein gay?

Shagird : Nahi Janab.

Ustad : Shabash! bhala woh kaise?

Shagird : Janab agar inke dhobne ka zara bhi imkaan hota tou aap issey tehzaab main kabhi na dhaaltey.


hehe...

Chalis baras ki Biwi

Ramiz aur unki baigum sham ke waqt aik park main chehl qadmi kar rahe they.

Achanak baigum rukh gayi aur boli,

"Log pata nahi kyun mujhe 40 baras ki samajte hain, kya ap bhi aise hi sochte hain?"

Ramiz ne jawab diya,

"Bilkul nahi ! 40 baras ki kabhi tum howa karti thi."


hahahaha...

Post Master Babu

Aik Sardar Letter Box main Letter dalne ja rahe they ke achanak tez hawa chal pari.

Hawa ka aik tex jhonka aya aur Sardar ke hath se Letter udha kar le gaya.

Sardar pehle to Letter ke peche daudhey.

Magar jab unho ne dekha ke Letter hath main nahi ayega to rukh kar bole,

"Chalo jaane do, Hawai Daak se pohnch jayega."


Hahaha

Acha Nishana Hai

Aik shikaari bohat boodha ho gaya,
Yahan thak ke us ki nazar intehayi kamzor ho gayi thi lekin shikaar ka shoq joo'n ka too'n tha,

Aik din shikaar ke liye apne dost waqar ke sath gaya, aik goli(bullet) us ne thaak kar chalayi.

Phir apne dost waqar se pocha,

"Main ne jis janwar par goli chalayi hai usay kya kehte hain?"

Waqar ne jawab diya,

"Janab us janwar ko darakht (a tree) kehte hain...


Hehe.Keke.

Shadi Ki Saalgira

Shadi ki duswein saalgira par baighum ne Shohar se kaha,

"Murgiyon ke darbay main se aik murgi nikal kar zibah kar lo thake shadi ki saalgira ke liye murg phulao puk jaye.

Shohar ne mu banate huye kaha,

"Dus saal pehle jo galati hui thi us ka intehqam murgi se lena acha nahi lagta."

Hehehe....